Um nýliðna helgi var ég í Svíaríki að keppa í karate á Sverige Katapokalen mótinu. Sem mætti þýða á íslensku "Sænska meistaramótið í kata." Mér fannst ég ver að gera góða hluti þarna, en það er oft ekki nóg, sérstaklega ekki á svona sterku móti, þannig að ég komst ekki áfram í neinum af þremur flokkunum sem ég keppti í.

Annars var þetta vel heppnuð ferð í alla staði og skemmtilegur hópur sem fór út og ég vona að það verði farið út aftur eftir smástund.

En að öðru, fyrsti dagur kosningavikunnar var í dag og er hið árlega KOX þorp risið á marmaranum og eru þetta allt flottir básar og metfjöldi í framboði, að ég held.

Meira var það ekki að þessu sinni,
Kristján Ó.

Er ég gannibarn?

Þessari spurnignu hef ég velt mikið fyrir mér frá því á föstudaginn. En þannig er mál með vexti að ég fór með mömmu minni í heimsókn til ömmu minnar, sú gamla fór aldeilis á kostum og fengu mörg gullkornin að njóta sín.

En mamma sagði henni að hún væri að fara í leikhús með vinkonu sinni og ætlaði að taka mig með sér. Þá segir sú gamla: "Já, Helga, hún er búin að eignast gannibarn." Mér og mömmu fannst þetta óneitanlega mjög fyndið og þá spurði mamma "Er Kristján þá líka svona gannibarn?" Og hvað haldiði að sú gamla hafi sagt? "Já, er það ekki?" Eftir þetta gat ég varla staðið vegna hláturs og sömu sögu er að segja af henni móður minni. Sem spurði svo í framhaldi af þessu "Er ég þá alvörubarn?" Amma var ekki lengi að svara og sagði "Já, þú ert svona alvörubarn."

Þetta fannst mér ógeðslega fyndið og segir þetta mér að ég verð að fara oftar í heimsók til ömmu minnar.

Kristján Ó.
-Gannibarn?

Eftir æsispennandi Bekeví keppni milli 4-R og 4-X ákvað ég að kíkja í Kringluna og fá mér smávegis í gogginn. Þegar ég var búinn að borða ákvað ég að nú væri best að halda heim á leið. Þegar ég er í snúningshurðinni á leiðinni út heyri ég einhvern svakalegan hávaða, um leið og ég kem út sé ég hvað meinið er. Það er einhver gaur sem heldur örugglega að hann sé geðveikt töff, sem situr úr bíl félaga síns, býst ég við þar sem töffarinn var í farþegasætinu, með sígó í munninum, samt ekki MC Sígó

Þetta fannst mér ógeðslega fyndið en um leið mjög sorglegt, ekki bara vegna þess hversu asnalegt þetta er, heldur er ekki mikið um gellur í kringlunni á þessum tíma, ekki nema að þær séu að vinna í búðunum þarna og þá eru þær ekki beint að fara hlaupa í hundana. Heldur er meirihlutinn þarna KONUR sem líta ekki við svona gúmmítöffurum.

Rétti tíminn til að gera þetta er í hádeginu, ég hélt að allir vissu það

Kristján Ó.

Svo virðist vera að lagið Syndrommið með stórhljómsveitinni Upp Á Kant hafi lekið á netið seint í gærkvöldi eða snemma í morgun. Talið er að fyrrum upptökustjóri sveitarinnar hafi lekið laginu á netið, en hann var rekinn fyrir illa unnin störf og fenginn nýr og betri maður í verkið.

Aðspurðir sögðust Magnús Berg og Karl Eiríksson vera alveg miður sín með að ekki hafi verið hægt að koma í veg fyrir lekann, en það sem þeir óttast mest er lögsókn frá Kristjáni Hreinssyni sem á það til að kæra öll lög sem leka á netið nú á dögum.

Hér er Kristján að væla í samkeppnisstofnun vegna leka lagsins.

Lagið, Syndrommið, er hægt að nálgast á Kantinum ásamt slagaranum síðan í fyrra Pepsívængir.

http://kanturinn.com/?hk=11&sida=12
Kristján Ó.

Ég og Pétur Magnús fórum á Aktu-taktu í dag. Við vorum pínu svangir, svo við ætluðum að fá okkkur pylsu.

Ég var á undan í röðinni og var ég aðeins að fíflast í afgreiðslustelpunni, en samtalið var s.s. eitthvað á þessa leið;
A: Get ég aðstoðað
Ég: Ég ætla að fá eina pylsu hjá þér
A: Já OK
Ég: Svo ætla ég líka að fá kók
A: Með hverju?
Ég: Ha? Nei, ég ætla bara að fá venjulega kók
A: Nei, með hverju á pylsan þín að vera?

Þetta var gaman og ef tækifæri gefst á því að snúa út úr svona afgreiðslufólki endilega nýtið ykkur það til hin ýtrasta!

Kristján Ó.

Núna eru rúmar 2 vikur í kosningar til stjórnar NFVÍ og er kominn einhver kosningafirðingur í fólk.

Þeir sem hafa látið það eftir sér að þeir ætli í stjórn eru eftirfarandi:

• Forseti: Elín Edda Angantýsdóttir, Vilmundur Sveinsson & Haukur Harðarson
• Féhirðir: Gauti Rafn Ólafsson, Anna Kristín Pálsdóttir & Jóhanna Margrét Gísladóttir
• Íþró: Ég (Kristján Ó. Davíðsson) & Magnús Sigurbjörnsson
• Skemmtó: Svavar Þórólfsson
• Ritstjórn Verzlunarskólablaðsins: Ólöf Rut Stefánsdóttir & Nanna Kristín Tryggvadóttir
• Ritstjórn Viljans: Sylvía Rut Sigurjónsdóttir
• Listó: Helga Lóa Kristjánsdóttir
• Nemó: Pétur Björgvin Sveinsson & Eva Halldóra Guðmundsdóttir
• Málfó: Pétur Magnús Birgisson

Ég held að ég sé ekki að fara með rengt mál með þessum einstaklingum hér að ofan, en þetta er ekki endanlegur listi frambjóðenda, einungis drög að því hverjir færu í hvað.

Góðar stundir,
Kristján Ó.

Í kvöld er keppni Verzlunarskólans í 8 liða úrslitum í Gettu betur á móti FSU. Keppnin byrjar klukkan 20:10 og hvet ég alla til að mæta og styðja lið Verzló til sigurs. Eða eins og Tommi Bergs sagði, þeir sem mæta ekki á keppnina í kvöld þurfa ekki að mæta aftur í skólann!

Þjóðþekktur einstaklingur verður fenginn til að stjórna klappliðini, svo hvíslaði lítill ormur því að mér að Slangan væri komin á kreik á nýjan leik. Þetta rímaði óvart.

Allir þeir sem mæti eiga að öskra eins og þeir væru að fara í munnlegt dönskupróf á morgun, það fara því allir raddlausir af fiskislóðinni í kvöld!

Sjáumst á Granda í kvöld,
Kristján Ó.

Hefur þú unnið á póstinum?
Ef svo er, féxt þú þá sent bréf heim til þín frá kjörstjórn Póstmannafélags Íslands vegna kosninga til stjórnar og trúnaðarráðs félagsins í mars 2006?

Ég vann á póstinum í viku um síðustu jól, og finnst mér þá fullmikils til ætlast af mér ef ég á bara að kjósa eitthvað fólk.

Þetta finnst mér skrítið!

Ég vil minna fólk á að enn eru til miðar á Ljósið og hvet ég alla, og þá meina ég ALLA, til að fara á þetta því það fer engin ósáttur úr Borgarleikhúsinu.

Meira var það ekki, blelli
Krilli

Snemma í morgun yfirgáfu Þjóðverjarnir landið og tóku þau þá rútuna frá BSÍ út á flugvöll klukkan 5:45 og voru allir mættir eldhressir þangað.

Annars í dag var Unglingamestaramót í Kata, sem er sem sagt karatemót, og var það haldið í Smáranum í Kópavogi.
Ég er nokkuð ánægður með árangur minn á þessu móti, en ég fékk brons í einstaklings kata, þar sem einn er á gólfinu og gerir í einu. Svo var það hópkata þar sem þrír eru að gera það sama og snýst það mikið um samhæfingu, það hefði ekki getað gengið betur, allavega ekki miðað við hvað við höfum æft lítið, en ég, ásamt tveimur öðrum karategæjum, nældum okkur í gullpening.

Eftir verðlaunaafhendinguna var maður orðinn eins og einhver rappari með fullt af blingi og það klingdi vel í því.

Kristján Ó.
-BronsGull Maðurinn

Já, eins og fyrirsögnin segir þá ætla ég að taka mig á í blogginu núna, það er bara búið að vera svo mikið að gera hjá mér undanfarið. Undirbúningur fyrir Ljósið og þýski múslima Tyrkinn minn er ennþá hérna, en hann fer bókstaflega fyrir allar aldir í fyrramálið, á s.s. að vera mættur á BSÍ klukkan 5:30, og nú vil ég gerast svo kræfur að vitna í eina af merkustu manneskjum samfélagsins og segja: "HVAÐ ER SLÍKT!?"

En eins og sagði hérna áðan þá er allt búið að vera á fullu fyrir Ljósið sem verður haldið hátíðlegt næsta miðvikudag í borgarleikhúsinu. Miðaverðið er 1000 krónur. Ykkur kann að finnast það mikið, en miðað við það að þið eruð að fá 10 Verzlískar stuttmyndir ásamt veitingum frá Vífilfelli og Maarud, þá er þetta engin peningur.

Verzlunarskólablaðið V72 kom út í gær við mikinn fögnuð allra Verzlinga og velunnara þeirra. Blaðið er hreint út sagt glæsilegt og ef ég væri með hatt myndi ég taka að ofan fyrir ritnefndinni. En þau stóðu sig öll eins og hetjur.

Útgáfupartýið var svo haldið á Pravda og skemmti ég með nokkuð vel þar. Þar voru allir þessu helstu mættir og skáluðu.
Svo var eigandi staðarins bara mjög almennilegur við okkur sem vorum að sötra okkar eigin veigar þarna í anddyrinu. Góður plús fyrir Pravda.
Eftir þetta fór ég á Prikið og sá þar mann laminn í andlitið með stól af einum mjög svo pirraðum náunga, það var gaman

En í kvöld er síðasta kvöld þjóðverjanna hérna og er ég búinn að gefa mínum Brennivínsbol að gjöf og með bolnum fylgdi lítil brennivínsflaska.

Látum þetta gott heita í bili.
Kristján Ó.

Bloggleysi mitt undanfarna daga á sér mæta góða útskýringu, þannig er mál með vexti að tölvan mín var orðin eitthvað slöpp þannig að ég ákvað að senda hana í meðferð og leyfa greyið tölvunni að safna kröftum fyrir komandi átök.

Annars er allt gott að frétta af mér og tyrkneska Þjóðverjanum mínum sem ég held að sé múslimi

Svo eru 8 liða úrslit Bekeví á morgun/eftir og vil ég fá alla til að mæta og styðja við bakið á liði 5-B.

Umræðuefnið er Sannleikurinn er sagna bestur og mæli 5-B með en 5-Y á móti.
Keppnin byrjar klukkan 16:00 í græna sal.

Kristján Ó.
-sjáumst í græna sal